— Нурлан мырза, “ЖинМэн” тасмасы кайсы жанрга кирет?
— «ЖинМэн» комедия жана фантастика жанрына кирет, мындайча айтканда — сыйкырдуу комедия.
— Эмне себептен азыркы кинолордо профессионал актөрлорду эмес, билими жок актөр же актрисаларды учуратып келебиз?
— Балким, коммерциялык жагынан пайдасы бар деп профессионал эмес, атактуулугуна басым жасалып жаткандыр. Менин оюмча, бул убактылуу эле көрүнүш. Анткени, профессионалдар менен иштешүү абдан жеңил жана долбоорго пайдалуу.
— Бала чактан режиссөрлук дараметиңиз барбы?
— Дараметиме киносынчылар жана көрүүчүлөр баа берээр. Бирок, бала чактан эле кино көрүүнү сүйчүмүн.
— Тасмалар элге сиңимдүү болушу үчүн бизге кино сынчылар керек деп эсептейсизби?
— Эсептейм. Киносынчылар тасмалардын элге сиңимдүү болушу менен бирге тасмалардын жалпы сапатын жогорулатуусунда таасири бар деп ойлойм.
— Дагы кандай идея, тема сизди кызыктырат, ким тууралуу тасма тарткыңыз келет?
— Азыркы учурда адилеттүүлүк темасы кызыктырат, бирок өтө оор түрдө (курч драма) эмес, мыскыл жана комедия түрүндө бергим келет.
Собол узаткан Төлөбүбү Касымалиева
